用後感-EOS Lip Balm 天然有機 球型潤唇膏

支潤唇膏用哂啦,買左粒波泥用EOS Lip 球型潤唇膏

圓碌碌的設計,人身工學,搽上嘴十分方便

甜甜的,有6隻味相當吸引

都幾潤,個份量都幾多咁,冇一支支個D咁快用哂

但放落D細袋就....有D大粒,攪到個袋凸起

用後感-Barrier Repair 骨膠原保濕彈力面膜

依排天氣相當干燥,屋企的mask又用哂,近近地去萬寧買反盒泥敷下先.
睇泥睇去,想買d滋潤d的,就簡左呢盒Barrier Repair 骨膠原保濕彈力面膜 $48/8塊=$6塊
佢仲有款係極潤的,就$69一盒得5塊, 我呢d平民就緊係買平平地用住先,
我唔信一連敷8日都唔夠呢5塊極潤好!!
開左出泥,mask上的精華都充足的,留係袋的精華一滴都冇多,唔好諗住有得搽手搽腳
塊mask的details位都係可以met開,適合唔同的面形
敷完之後feel到好潤的,但我攤一陣之後都會抹走,唔想多餘的精華,停係面到
so far 呢個價位的mask都ok,可以日日敷都得,冇咁肉赤,由其係呢d天氣,要勤力d啦~~

BLT BURGER @TST

昨日我同角仔陪個FD一齊出左TST買野,買完野之後就去左BLT BURGER食個tea,
大約都等左15min先到我地,排隊個時我地3個係咁研究個餐牌,因為係全英文,同埋睇下有咩野食.
一路等一路睇人食,真係口水都流出泥.
呢間BURGER主角緊係BURGER啦,上open rice睇反水牛雞翼(Buffalo Wings),都好出名.

好多外國人都入去食,佢地仲會bee一beer.

坐底左,我同角仔點左個 #2 BLT burger combos set share,因為我自己食唔哂一個包(都幾大個),

而朋友仔就單點左個有磨菇的burger . combos set有以下呢d跟,酸瓜,沙律仔,burger,薯條or薯格or 薯角,野飲

酸瓜唔係我杯茶,試食左一舊仔我就放棄了x,x i don't like
沙律ok,都係一般沙律,我諗佢入面都係加左酸瓜,因為有酸瓜味

簡左薯角,同出面個d餐廳咁上下,但m記個d會好食d,m記個d薯角有層有味的炸漿,份量都幾多
主角BLT burger ,入面有生菜,番茄,煙肉,酸瓜,7oz的漢堡扒,仲有千島醬<我估,因為粉紅色
好好味呀,同m記個d冇得比,煙肉卜卜脆,漢堡扒好有牛味,再加上蔬菜的配答,正!
我地食到jaja聲,而朋友仔的有磨菇的burger,就冇我地呢個咁多料,試食左佢粒磨菇,好香的牛油味,應該用牛油炒熟再放上去的. 一個set餐2個人分,作為 tea time的份量真係好足夠.我地唔知原來可以叫人切左先上,攪到自己切,切到有d肉酸.
2位share的朋友,記住落order個時分邊上! TST同CWB都有分店,下次再去食過~~好味!

暗倉篇/__\

上回講到我近呢3,4個月,塊面出現360度的變化
比大家睇下,我所講的變化啦
以下的相都冇PS,正係加左圖,睇下係咪變得超誇張
右邊面仲"零射"嚴重,唉
各位絲打,巴打有冇好野介紹比我病下塊面?
/____\ 暗倉生得多,自信都少埋...沒自信的毒女
去相!

4月個陣時

依家x,x

用後感-La Roche-Posay EFFACLAR 油性肌膚系列

近呢3,4個月我的皮膚出現左360度的改變,2邊面生左好多暗粒同暗倉,唔係一2粒咁簡單係一達達,所以就泥一次全面性換過套護膚品,希望可以有效消炎同去印.
依加網絡咁發達,緊係上網睇下有咩人介紹邊隻好用啦,結果呢我見到位bolgger介紹呢支EFFACLAR DUO 粉刺淨化雙效精華,消炎去印好work,咁我當然9秒9搵下有冇官網啦,
經我地毯式的檢閱,呢個牌子又好似幾好咁(唔知好d咩嫁,仲知就好lo),所以就決定買啦.
官網話萬寧都有得買,但我呢d平民連去萬寧都想慳,同埋又唔知幾錢,我緊係去yahoo拍賣格下價先啦,本身我唔介意用水賣,有好多韓國的化妝品,面膜我都會去水貨舖買,平呀嗎,洗鬼去專門店咩,所以呢套EFFACLAR我就係yahoo到bid lu~~~連萬寧都冇去裝過xp
好~講下感受先,我用左有5日啦,
洗面--泡量唔多的,用完之後唔會好緊好干 (冇味,透明)
爽膚--好溫和,唔係立痴痴個隻 (冇味,透明)
保濕乳--乳白色,都係冇味的.唔立,好快吸收,但唔知點解我搽上面,近鼻邊的位會吉吉地
粉刺淨化雙效精華--乳白色,呢支有d淡淡的香味,同樣好快吸收,呢支唔會吉,冇feel
咁我平時就會用雙效精華搽我的一達達暗倉地帶,保濕乳就會搽係冇事的地方
好~~廢話5多講,搽暗倉一定問會唔會甩皮?會,因為雙效精華寫明內含LHA及亞麻油酸清除死皮細胞及老化角質,疏通毛孔,咁你又要去到角質又要唔甩皮,咪好矛盾,所以係有甩皮的.
但係神奇的事就發生,我去met呢塊皮個時,係底層的暗粒一齊浮左上泥,一met走連暗粒都可以輕輕met走埋,唔洗再拼命咁擠d暗粒 xp 爽
可能呢d就係LHA及亞麻油酸的功效,疏通毛孔,冇左粒暗粒毛孔仲唔疏通疏通
希望用多一排會有"效果"比我見到啦><

EFFACLAR GEL 控油潔面啫喱 (試用裝)
EFFACLAR 控油爽膚水  (試用裝)
 EFFACLAR MAT 控油收毛孔保濕乳
EFFACLAR DUO 粉刺淨化雙效精華
Total: $360

玩物-Paul Frank x M記, 大眼仔米高x mini lego , 熊大x line

Paul Frank x M記
今期開心樂園餐玩具-人形Julius月曆,又實用又funny,緊係簡佢啦~
但佢冇假期顯示,所以自己用營光筆油 x ) 好靚 8蚊雞抵玩!

大眼仔米高x mini lego
係大埔超級城的車仔檔買,雖然淘寶都有得買,但早買早享受$55蚊
好似好靚,但毛毛個款就碼碼地,所以冇要到~~
(找亮點XP)

熊大&饅頭人 x line
LINE擰旦,目標當然是熊大啦~好開心擰中左
第一隻跑出係饅頭人,第2次先係熊大 $15/per one

元朗-貓山皇+雷神

元朗一向出名多野食.係人地Facebook見到杯雪糕好好食咁,所以自己都走去食番杯.
但區區一杯雪糕洗咩走去元朗先!啦~呢杯雪糕未必人人like,但中意榴槤的你真係咪走雞!
超香濃榴槤味,食緊榴槤咁樣樣,佢唔似出面個D榴槤雪糕入面有埋榴槤肉,
但絕對不失真榴槤的味道,真係要encore再encore,一個星期我就去左食2次,因為真係好好味 xp
呢杯夢幻榴槤雪糕,真係好夢幻,佢托底放左d藍色液體加干冰,極有視覺效果,d煙係咁飛出泥~~
間野叫貓山皇係安娜餐廳格格離,中意榴槤的粉絲去開元朗就去食番杯啦!
貴貴地啦$55一杯,但我就2個人一杯,因為一個人一杯都幾大杯,同埋食食下都幾"溜",
小吃多滋味 : )

行完街街,dinner就去左食日本野"雷神", 你知元朗其實都幾多日本餐廳,有平有貴,亦有大大件
我地途經見到佢,第一次食,緊係睇睇個Menus先啦,因為間野睇上去好似好貴,
怕唔夠錢埋單,你估我有幾百萬未開頭咩!所以睇定d先入去食,廢事7啦,係咪!
嗯~~60-80蚊左右一個拉麵,烏冬,OK比得起,就入去食.
我點左份甜蝦同天婦羅冷烏冬,角仔就點左沙嗲湯底青口大蜆烏冬,
我個烏冬質地,同自家個d都係咁上下啦~冇咩驚人特別,反而佢放碟好有心思,有隻青蛙睇住我食
視覺的確會影響食覺,角仔的沙嗲湯底就十分之濃,佢食食下仲覺得濃得制,
話下次試下d清d的湯,因為個老細上菜個時,係咁叫d客飲啖湯先,親自"淆"制,唔係用味精包~
但我冇影到角仔份野食><,佢個份d料好足,有成5,6隻大蜆,3,4隻青口,呢間我下次應該會再食過!